AJL Ophthalmic euskal enpresak, begi barruko lenteak diseinatu eta fabrikatzen dituena eta begiko gaixotasunen inguruan ikertzen duena, aurreko irailean Izasako Oftalmologia Unitatea erosi zuen, diagnosi klinikoetan, ospitaleen eta ikerketa sektoreetan oinarritzen den nazioarteko enpresa.

Hala, euskal konpainiak bere katalogoan sartuko ditu aztertzeko, errefrakziorako eta kirurgia errefraktariorako ekipoak eta baita Espainian eta Portugalen oftalmologia merkaturako hainbat osagarri.

Erosketa horri esker, AJL Ophtalmickek diagnosiak egiteko ekipo berriak izango ditu, horien artean: kornea-topografoa, oftalmoskopioa, biometro pakimetroa, OCT, tonometroa edo mikroskopio espekularra; errefrakziorako ondorengoak: keratometroa, errefraktometroa, oftalmetroa edo erretinoskopioak; eta kirurgiarako: laserrak, kriokirurgia, keratomoak, femtosegundoa edo fakoemulsifikagailua.

Euskal enpresaren arduradunen arabera, “gertakizun garrantzitsua da”, oftalmologiaren merkatuan enpresaren posizioa sendotzea ahalbidetuko du eta. “Kopurua eta zerbitzua areagotu ditugu, orain ekipamendu oftalmologikoa, diagnosikoa zein kirurgiakoa eskaini ahal izango dugu”.

AJL Ophtalmic begi barruko lenteak fabrikatzen dituen Espainiako enpresa bakarra da eta duela gutxi 5 milioi euro fabrika berria-n inbertitu ditu, Arabako Parke Teknologikoa-n egoitza eta ekoizpen-planta bat duena.