Noray Bioinformatics-en kide fundatzaileek holding sozietatea sortu dute: Grupo Noraybio, S.L.; Espainiako bioteknologiaren sektorean nabarmentzea da biozientzietako enpresa-talde berri horren helburua.

Sektorean maila garrantzitsua lortzeko, Noray BGk kapitala handitu du ORZA sozietate kudeatzaileak kudeatutako pentsio-funtsen diru-sarrerei esker; hala, ORZAk Taldearen ehuneko hogeita hamar hartu du, milioi bat eta zortzi euro inbertitu ondoren. Gelditzen den kapitala kide fundatzaileen esku dago, eta horiek kontrolatzen dute enpresa, eraginkortasunean eta bioteknologia-merkatuko beharrei irtenbide bat bilatzean oinarrituta, eta berrikuntzaren kudeaketa-eredu bat aplikatuz.

Noray Bioinformatics bioinformatika-enpresak biozientzia-sektorerako informatika-tresnak diseinatu, sortu eta ezartzen ditu (softwarea). Egun, Noray BGk bioinformatika-enpresa hori bere esku izateaz gainera, Histocell enpresaren kapitalaren ehuneko laurogei eskuratu du; azken enpresa hori osasunerako produktu berriak ikertu eta sortzen ditu ehun-ingeniaritzaren eta medikuntza birsortzailearen arloetan.