Enpresen Inkubagailu Zentroek teknologikoki aurreratuta dauden enpresa eta proiektu berritzaileak bultzatzen dituzte. Zentro horiek Europako Batzordeak eskaintzen duen BIC Kalitate Europarraren ziurtagiria lortu dute.

Zentroen xedea da negozio berriak sustatzea lanpostu berriak sortzeko. Horretarako, lehenik eta behin proiektuaren ikuspegi oso bat lantzen dute aurretik egindako kontsultei eta negozio planaren diseinuari esker. Ondoren, proiektua garatzeko kokapen egokia bilatzen dute, finantza moduak identifikatzen dituzte eta bazkide estrategikoak bilatzen dituzte.

Inkubagailuen sarea indartu egin da azken aldi honetan, bioinkubagailu berri bat gehitu baitzaio. Bioinkubagailu berriak berariazko instalazioak eskaintzen dizkie bioenpresei.